《魚子醬生蠔火腿✨ 矜貴下午茶🫖》
草根姐姐好鍾意食下午茶🧁🍩🍪，但好多時都係為咗個環境同氣氛而去，食物味通常都好一般😂。今次食嘅呢間雖然冇三層架，但食物真係好味，對追求味道大於氣氛嘅人嚟講喺一個唔錯嘅選擇👍🏻。
.
💍Blue Treasures Afternoon Tea ($388 for one)
呢款Tea set以鹹點為主，凍肉拼盤多款火腿都柔潤富鹹香🐖，配上芝士🧀同堅果真喺好好食😋。蠔比較細隻但係食到鮮味🦪，魚子醬口感細膩，鹹鮮味好突出；另外仲有黑松露和牛多士🥪、開心果鵝肝同千島醬大蝦都好出色🦐。
．
甜點比較少，只有3款小蛋糕，分別係椰子、Rum酒朱古力同紅絲絨紅桑子味，當中朱古力味好濃郁，同Rum酒嘅又平衡到，味道最突出🍫，其餘2款不過不失。最後仲有一客Tiramisu，口感幾軟滑仲食到咖啡味，但略為可以再濕潤少少🤏。
.
另外配有兩杯茶/咖啡☕️，或者可以加錢飲酒精飲品🥂。
.
呢個tea set鹹食多於甜品，不過鹹點味道真係出色好多😍。餐廳位於中環IFC，望出去係中環嘅街景，雖然唔係完全向海但都夠開揚🌊。價錢中高價水平，但水準的確係唔錯。
.
Isola Bar & Grill (中環)
中環港景街1號國際金融中心2樓2075號舖 @ Isola
Search